چکھلی (قاصد / سید ساحل) – سیاستدانوں کی گاڑیوں کی بے قابو رفتار ایک بار پھر سے ایک بے گناہ شہری کی جان پر بن آئی، یہ چونکا دینے والا واقعہ آج صبح پیش آیا۔ امراوتی ڈیویزن کے ایجوکیشن ایم ایل اے کِر ن سرنائیک (رہائشی واشیم) کی انووا گاڑی نے پیدل جا رہے کرشنا نندو لشکر (عمر 25 سال، رہائشی گو¿رکشن واڑی، چکھلی) کو پانگوڑے ہسپتا ل کے سامنے ٹکر مار دی۔ صبح دس بجے کے قریب پیش آنے والے اس بھیانک حادثے میں کرشنا شدید زخمی ہو گیا اور فی الحال کوما میں ہے، اسے فوری طور پر چکھلی کے جونجاڑ ہسپتال میں علاج کے لیے داخل کیا گیا ہے۔
واقعے کے وقت ایم ایل اے سرنائیک بلڈانہ میں ڈاکٹر راجندر شنگھنے کے گھر ملاقات کے لیے جا رہے تھے۔ حادثے کے بعد ایم ایل اے سرنائیک نے خود زخمی نوجوان کو اپنی گاڑی میں ڈال کر جونجاڑ ہسپتال پہنچایا، لیکن اس واقعے سے علاقے میں غم و غصے کی لہر دوڑ گئی ہے۔
شہریوں نے مطالبہ کیا ہے کہ ایسے واقعات کو روکنے کے لیے ایم ایلاے اور افسران کو اپنی گاڑیوں کی رفتار محدود رکھنی
چاہیے اور حادثات کے متاثرین کے لیے ذمہ داری کا تعین کیا جانا چاہیے۔ فی الحال پولیس پنچ نامہ تیار کر رہی ہے۔
