قاصد / ناندورہ : ناندرہ تعلقہ کے یرلی نئے پل پر ایک بار پھر ایک بھیانک حادثہ پیش آیا ہے۔ آج 28 ستمبر کو جلگاؤں جامود سے ناندورہ کی طرف تیز رفتار سے آنے والی ہونڈا سٹی کار (نمبر MH 01 BU 8793) نے مخالف سمت سے آنے والی موٹرسائیکل (نمبر MH 28 S 9093) کو زور دار ٹکر مار کر کچل دیا۔ اس بھیانک حادثے میں تیوڑی کے رہائشی راجو گھائٹ اور ان کا بیٹا منگیش گھائٹ شدید زخمی ہو گئے۔ انہیں فوری طور پر خامگاؤں کے جنرل ہسپتال منتقل کیا گیا، لیکن راستے میں ہی راجو گھائٹ کی موت ہو گئی۔ بیٹے منگیش گھائٹ کی حالت تشویشناک ہے اور اسے مزید علاج کے لیے اکولہ منتقل کیا گیا ہے۔
موصولہ معلومات کے مطابق، تیز رفتار کار کا ٹائر پھٹنے کی وجہ سے ڈرائیور کا کنٹرول ختم ہو گیا اور کار نے ڈیوائیڈر سے ٹکرا کر مخالف سمت میں آ کر موٹرسائیکل کو کچل دیا۔
اسی جگہ پر صرف تین دن پہلے ایک بولیرو پک اپ نے ٹکر مار کر جاوید خان چاند خان (رہائشی ناندرہ) کی موت کا باعث بنایا تھا۔
