चिखलीत ठाणेदार भूषण गावंडे यांची जुगार अड्ड्यावर धडक कारवाई लाखोंचा मुद्देमाल जप्त…

चिखली (रमीज राजा) : चिखली पोलिसांनी जुगाराच्या अवैध धंद्यांवर मोठी कारवाई करत शहरातील सुरू असलेल्या एका जुगार अड्ड्यावर छापा टाकून तब्बल 13 आरोपींना ताब्यात घेतले आहे. या कारवाईत पाच दुचाकी, रोख रक्कम, मोबाईलसह लाखोंचा मुद्देमाल जप्त करण्यात आला. दरम्यान, संबंधित आरोपींवर मुंबई जुगार कायदा 1887 अंतर्गत कलम 12(A) नुसार गुन्हा नोंदविण्यात आला आहे.

गजानन यशवंता सोनूने (45, रा. माळीपुरा), कैलास दिलीप जाधव (39, रा. डीपी रोड), भगवान शेषराव सानप (56, रा. संभाजी नगर), विठ्ठल अच्युतराव इंगळे (38, रा. संभाजी नगर), संकेत सुरेश इंगळे (23, रा. संभाजी नगर), अशोक उखर्डा लाटे (58, रा. संभाजी नगर), भागवत किसान झगरे (40, रा. संभाजी नगर), सागर गजानन निकम (36, रा. माळीपुरा), श्रीकृष्ण सुखदेव नेवरे (42, रा. संभाजी नगर), विशाल डीगांबर लंबे (35, रा. खंडाळा रोड), आशिष रूपराव जाधव (24, रा. संभाजी नगर), गणेश भगवान अरमाळ (42, रा. संभाजी नगर), पांडुरंग दांडगे असे ताब्यात घेतलेले आरोपी आहेत.

या सर्वांकडून जुगारामधील रोख रक्कम, पाच दुचाकी, मोबाईल फोन आणि जुगार साहित्य जप्त करण्यात आले असून जप्तीची रक्कम लाखोंमध्ये असल्याचे पोलीस सूत्रांनी सांगितले.

ही धडक कारवाई चिखलीचे नवनिर्वाचित ठाणेदार भूषण गावंडे यांच्या मार्गदर्शनाखाली करण्यात आली. त्यांच्यासह सह-पीएसआय शरद भागवतकर, पीएसआय संतोष कदम, उपनिरीक्षक राजू सुसार, पोलीस हवालदार लक्ष्मण जाधव, पोलीस कर्मचारी वाघ, अमोल गवई, राहुल पायगन, प्रशांत धंदर, अमोल राऊत, रोहिदास पांढरे, पाडळे, अजय इटावा आदी पथकाने संयुक्तरित्या ही यशस्वी कारवाई पूर्ण केली.

जुगारी व अवैध कृत्य करणाऱ्यांना कठोर इशारा

शहरातील वाढत्या जुगाराच्या अवैध धंद्यांवर आळा घालण्यासाठी पोलिसांची ही कारवाई निर्णायक मानली जात आहे. पुढील काळात आणखी मोठ्या प्रमाणावर l कठोर कारवाई करण्यात येणार असल्याचा इशारा पोलिसांनी दिला आहे.