चिखली प्रभाग क्र. ४ मध्ये निशात अंजुम शेख तौफिक यांना विजयाची खात्री

क़ासीद / चिखली : चिखली शहरातील प्रभाग क्रमांक ४ मध्ये येत्या होणाऱ्या निवडणुकीत करामत शेख यांच्या स्नुषा आणि शेख तौफिक  यांच्या पत्नी निशात अंजुम शेख तौफिक  यांना मतदार विजयी करणार असल्याची जोरदार चर्चा आहे. गेल्या अठरा वर्षांपासून शेख करामत  आणि शेख तौफिक केलेल्या सातत्यपूर्ण समाजसेवेची आणि जनसामान्यांबरोबर खांद्याला खांदा लावून उभ्या राहण्याच्या कामाची ही पावती असल्याचे मतदारांमध्ये बोलले जात आहे.

माजी नगरसेवक असताना शेख करामत  यांनी जनतेच्या प्रत्येक सुख-दु:खात हजेरी लावली. नगरपालिका कार्यकाळ संपल्यानंतरही बहुतांश नगरसेवक जनतेपासून अलिप्त आणि अदृश्य झाले, तेव्हा शेख करामत मात्र बघ्याची भूमिका न घेता मैदानात उतरले. नाली-सफाई, रस्ते बांधकाम, वैयक्तिक अडचणी असो की कौटुंबिक संकट, करामत भाई प्रत्येक वेळी नागरिकांच्या पाठीशी खंबीरपणे उभे राहिले.

                मागील पंचवार्षिक निवडणुकीत भारतीय जनता पक्षाच्या उमेदवारीवरून शेख करामत यांना निसटता पराभव पत्करावा लागला होता. मात्र या पराभवाने खचुन न जाता उलट गेल्या नऊ वर्षांत त्यांनी स्वतःला पूर्णपणे समाजसेवेला वाहून घेतले. तन-मन-धनाने प्रभागातील जनतेच्या सेवेत सदैव तत्पर राहिले.

                या वारशाला बापाच्या पाऊलावर पाऊल ठेवत त्यांचे पुत्र शेख तौफिक यांनी पुढे नेले. अल्पावधीतच शेख तौफिक हे नाव प्रभाग क्रमांक ४ मधील युवकांसाठी प्रेरणास्थान बनले. बांधकाम कामगार नोंदणी, विविध शासकीय योजनांचा लाभ मिळवून देणे, जन्म-मृत्यू नोंदणी, आधार कार्डच्या अडचणी सोडवणे, संजय गांधी निराधार योजना, श्रावणबाळ सेवा योजना अशा अनेक बाबींमध्ये शेख तौफिक यांनी नागरिकांना थेट मदत केली. रुग्णालयातील अडीअडचणी, पोलिस स्टेशनमधील सामान्य कारवाई, रक्तदान शिबिरे अशा प्रत्येक कामात त्यांनी आघाडी घेतली.

                शेख तौफिक यांच्या या कामामुळे प्रभागातील शेकडो तरुण त्यांच्या नेतृत्वाखाली एकसंघ झाले आहेत. महिलांपासून ते ज्येष्ठ नागरिकांपर्यंत सर्वच स्तरातील मतदारांमध्ये निशात अंजुम शेख तौफिक यांना भरघोस मतदान करून विजयी करण्याचा निर्धार दिसतो आहे. “गेल्या दहा वर्षांत शेख करामत  आणि शेख तौफिक यांनी प्रभाग ४ ला आपलेसे केले. आता निसटता पराभव दणदणीत विजयात बदलण्याची वेळ आली आहे,” असे मत प्रभागातील युवा आणि महिला मतदार व्यक्त करीत आहेत.

                निशात शेख अंजुम तौफिक यांचा हा विजय हा शेख करामत आणि शेख तौफिक यांच्या १८ वर्षांच्या अविरत समाजसेवेला मतदार देणार असलेली खरी पावती ठरणार आहे, अशी भावना प्रभाग क्रमांक 4 मधील मतदारांमध्ये दिसून येत आहे.