चिखली CCN केबल नेटवर्क कार्यालयाला भीषण आग.

क़ासिद / रमीज राजा (चिखली) : शहरातील राजा टॉवर कॉम्प्लेक्समध्ये असलेल्या सी.सी.एन. केबल नेटवर्कच्या कार्यालयाला आज शॉर्ट सर्किटमुळे आग लागली. या घटनेमुळे कार्यालयातील केबल्स, बॅटरी आणि इतर उपकरणांना प्रचंड नुकसान झाले असल्याची प्राथमिक माहिती मिळाली असली तरी, एकूण नुकसानाची अचूक आकडेवारी अद्याप उपलब्ध झालेली नाही.

मिळालेल्या माहितीनुसार आज रात्रि अंदाजे १० वाजता इलेक्ट्रिकल उपकरणाटील शॉर्ट सर्किटमुळे आग लागली. आगीने झपाट्याने पसरत केबल नेटवर्कचे मुख्य केबल्स, बॅटरी युनिट्स आणि इतर महत्त्वाचे उपकरणे जाळून खाक झले.

चिखली अग्निशमन दलाने तात्काळ घटनास्थळी धाव घेतली आणि सुमारे अर्ध्या तासात आगीवर पूर्ण नियंत्रण मिळवले.

या घटनेचे नेमके नुकसान किती झाले याबाबत केबल नेटवर्क प्रशासनाकडून अद्याप अधिकृत माहिती दिलेली नाही. तथापि, प्राथमिक तपासात आगीमुळे कार्यालयातील डिजिटल उपकरणे, सर्व्हर युनिट्स आणि इतर सामग्री जळून नष्ट झाल्याचे निदर्शनास आले आहे. या आगीमुळे केबल नेटवर्क सेवेवर काही काळासाठी परिणाम होन्याची शक्यता आहे, ज्यामुळे स्थानिक ग्राहकांना तात्पुरती अडचण येऊ शकते.