चोरीच्या गुन्ह्यामधील आरोपीला केले 24 तासात अटक; चिखली पोलीसांची कारवाई

क़ासीद / चिखली :  चिखली शहर आठवडी बाजारात एका 83 वर्षीय वृद्धाची सोन्याची अंगठी लुटणाऱ्या गुन्हेगाराला चिखली पोलिसांनी अवघ्या 24 तासांत अटक केली. चिखली पोलिसांच्या या त्वरित कारवाईचे नागरिकांकडून कौतुक होत आहे.

दगडू विठोबा सोळंकी (वय 83, रा. चांधाई, ता. चिखली, जि. बुलढाणा) यांना 25 ऑगस्ट 2025 रोजी बाजारात एका अनोळखी व्यक्तीने नातेवाईक असल्याचे भासवून त्यांच्या हातातील 5 ग्रॅम वजनाची, अंदाजे 30 हजार रुपये किमतीची सोन्याची अंगठी लुटली. पोलिसांनी दिलेल्या माहितीनुसार, आरोपीने दगडू सोळंकी यांना तुमच्या हातात असलेल्या अंगठी सारखीच अंगटी बनवायची असें सांगीतले व अंगठीची डिझाईन पाहण्याच्या बहाण्याने अंगठी घेतली आणि बाजारातून पसार झाला. सोळंकी यांच्या तक्रारीनंतर चिखली पोलीस ठाण्याचे पोलीस निरीक्षक संग्राम पाटील यांनी तात्काळ तपास सुरू केला. पोलिसांनी तांत्रिक पुरावे आणि गुप्त माहितीच्या आधारे जळगाव खान्देश येथील रहिवासी असलेल्या आरोपीला अटक केली.

सदरची कार्यवाही मा. पोलीस अधिक्षक निलेश तांबे बुलडाणा, अपर पोलीस अधिक्षक अमोल गायकवाड बुलडाणा, तसेच उपविभागीय पोलीस अधिकारी सुधीर पाटील बुलडाणा यांचे मार्गदर्शनाखाली पो.नि. संग्राम पाटील, डि.बी. पथकाचे पोउपनि समाधान वडणे, राजेंद्र काळे, अमोल गवई, प्रशांत धंदर , अजय इटावा , पंढरीनाथ मिसाळ, निलेश साबळे, राहुल पायघन, रुपाली उगले, विजय गिते , सुधाकर पाडळे यांनी केली आहे. सदर आरोपी विरोधात महाराष्ट्रामधे विविध पोलीस स्टेशन ला आतापर्यंत अशा प्रकारच्या २५ गुन्हयाची नोद आहे.