क़ासिद / इफ्तेखार खान (चिखली) : चिखली नगरपालिकेच्या येणाऱ्या निवडणुकीचा धुमाकुळ जोरात सुरू झाला असून, इच्छुक उमेदवारांच्या मुलाखती, भेटीगाठी सुरू झाल्या आहे. पारंपरिक राजकारणातील ज्येष्ठ आणि सिनियर पक्ष पदाधिकाऱ्यांच्या विरुद्ध मतदारांचा राजा आता स्पष्टपणे दिसू लागला आहे. मतदार आता नवीन चेहऱ्यांमध्येच आपल्या भविष्यातील नगरसेवक आणि सहकारी पाहत आहेत. अशा परिस्थितीत प्रभाग ५ मधून एका नवीन, आत्मविश्वासपूर्ण आणि जनमानसात सहज मिसळणाऱ्या चेहऱ्याने पदार्पण केले आहे – तो म्हणजे साजिद हाजी.
काँग्रेस पक्षाच्या वतीने प्रभाग ५ मधून दिग्गज नेत्यांची उमेदवारी प्रस्थापित करण्याचे प्रयत्न सुरू असताना, प्रभागातील मतदारांनी मात्र नवीन चेहरा म्हणून साजिद हाजी यांना प्राधान्य देण्याचा संकेत दिला आहे. राजकीय क्षेत्रात फारसा चांगला अनुभव आणि राजकीय वारसा लाभलेले साजिद हाजी हे उत्तम राजकारणी, समाजकारणी आणि निष्ठावान कार्यकर्ते म्हणून ओळखले जातात. त्यांच्या शांत, सयमशील स्वभावाने केवळ प्रभागातीलच मतदारांचे मन जिंकले नसून पक्षातील श्रेष्ठींनीही त्यांना आपलेसे मानले आहे.
प्रभाग ५ मधील स्थानिक नागरिकांशी बोलता तेव्हा त्यांचा विश्वास दिसून येतो. “साजिद हाजी यांच्यासारखा नवीन चेहरा हवा आहे. जुन्या चेहऱ्यांनी वर्षानुवर्षे सत्ता सांभाळली, पण विकास कुठे दिसला ? साजिद यांच्यात आम्हाला भविष्य दिसते,” असे मत प्रभागातील ज्येष्ठ नागरिक व्यक्त करीत आहे. तर युवा मतदारानी, “त्यांचा राजकीय वारसा असला तरी ते साधेपणाने वागतात. प्रभागातील समस्या ऐकून घेण्याची त्यांची वृत्तीच आम्हाला आकर्षित करते.” असे मत मांडले.
साजिद हाजी यांचा राजकीय प्रवास हा कुटुंबीयांच्या वारशावर आधारित असला तरी त्यांनी स्वतःच्या मेहनतीने समाजकारणात ओळख मिळवली आहे. स्थानिक स्तरावर विविध सामाजिक उपक्रम राबवत ते नेहमीच पुढाकार घेत असतात. प्रभागातील रस्ते, पाणी, स्वच्छता आणि शिक्षणासारख्या मूलभूत समस्या सोडवण्यासाठी त्यांचे प्रयत्न सातत्यपूर्ण आहेत. “मी राजकारणासाठी नव्हे, तर प्रभागाच्या विकासासाठी आलो आहे. मतदारांचा विश्वास मिळाला तर आम्ही सर्वजण मिळून प्रभागाचा कायापालट घडवू,” असे साजिद हाजी यांनी ‘क़ासिद’शी बोलताना सांगितले.
काँग्रेस पक्षातर्फे प्रभाग ५ मधून उमेदवारी निश्चित होण्याची शक्यता बळावत असून, पक्षातील अनेक नेतेही साजिद हाजी यांच्या बाजूने बोलत आहेत. “नवीन चेहऱ्यांना संधी देणे हे पक्षाच्या भविष्यासाठी गरजेचे आहे. साजिद हाजी यांच्यात क्षमता आहे आणि ते पक्षाच्या विचारसरणीशी जुळणारे आहेत,” असे पक्ष पदाधिकारी सुद्धा मानतात. प्रभागातील मतदारांमध्येही विजयाचा विश्वास निर्माण झाला असून, “साजिद हाजी यांना उमेदवारी मिळाली तर विजय नक्की आहे. प्रभागाचा विकास होईल,” असे मत व्यक्त केले जात आहे.
चिखली नगरपालिका निवडणुकीत नवीन चेहऱ्यांना प्राधान्य देण्याची ही ट्रेंड राजकीय पटावर बदल घडवू शकते. साजिद हाजी यांच्यासारखे उमेदवार यशस्वी झाल्यास प्रभाग ५ चा कायापालट होईलच, पण संपूर्ण नगरपालिकेच्या राजकारणालाही नवसंजीवनी मिळेल. मतदारांच्या आशेवर उतरणारा हा नवीन चेहरा खरंच प्रभागाच्या भविष्यासाठी आशेचा किरण ठरेल,याचे उत्तर निवडणुकीनंतरच मिळेल.
