قاصد / ڈونگاؤں : سمرودھی ہائی وے پر پیر کی صبح ممبئی سے ناگپور جانے والے ایک کنٹینر کا 1 ستمبر کو صبح تقریباً 6 بجے ایک بھیانک حادثہ پیش آیا۔ چینل نمبر 273 کے قریب ایک نامعلوم گاڑی کو پیچھے سے ٹکر مارنے کے باعث یہ حادثہ ہوا۔
اس حادثے میں ہریانہ کے بیچھار بھون، رام نگر سے تعلق رکھنے والے کنٹینر ڈرائیور حنیف جہاں (عمر 37 سال) کی موقع پر ہی موت ہوگئی۔ حادثہ اتنا شدید تھا کہ ٹکر کے بعد کنٹینر کا اگلا حصہ مکمل طور پر تباہ ہوگیا۔
واقعے کی اطلاع ملتے ہی پولیس نے حادثہ کی جگه پر پہنچ کر کارروائی کی۔ حادثے کے باعث ہائی وے پر کچھ دیر کے لیے ٹریفک متاثر ہوا، لیکن پولیس کی فوری کارروائی کی بدولت کچھ ہی دیر میں ٹریفک بحال کردیا گیا۔ اس واقعے نے ہائی وے پر حفاظتی اقدامات کے سوال کو ایک بار پھر اجاگر کردیا ہے۔
